Udal Musika Bandak San Joan zortzikoa jotzearekin batera piztu zuten sua, atzo iluntzean, brigadako langileek. Andu Martinez de Rituerto alkateak lore sorta sutara bota ostean, suaren gainean salto egiten hasi ziren herritarrak. Helduak ez ezik, haur eta gaztetxo ugari ere animatu ziren horretara. Batzuek, behin baino gehiagotan.
Horren ostean, Udaberri dantza taldearen txanda izan zen. Hainbat dantza eskaini zituzten oholtza gainean, ikustera gerturatu zen jendetzaren aurrean. Eta, amaitzeko, Santa Maria kaperak itxi zuen ekitaldia.
