Miguel Angel Morenoren zuzendaritzapean, bandak San Joan Martxa jo zuen unean piztu zuten brigadako langileek sua Plaza Zaharrean. Beste herritan bezala, Tolosan ere piztu zuten sua, San Joan bezperan. Baina ohitura den bezala, lehenengo su txiaren txanda izan zen. Tolosar ugari bildu ziren, borobilean, haurrak suaren gainetik saltoka ikusteko. Guraso asko fin-fin aritu ziren etxeko txikienei salto egiteko jarraibide guztiak ematen. Eta, bide batez, zaharxeagoak izaten direnerako, Santa Maria plazako suaren gainean salto egiteko harra sartzen.