Talde irabazleak 3.000 euroko saria jasoko du. Jaialdirako sarrerak Internet bidez erosiz gero zortzi euro balio du eta hamabi euro leihatilan. Hamasei urtetik beherakoentzat doan da.
Hiru partida jokatuko dituzte elkarren aurka finalistek. Kadete mailan, Larraun taldeko Laso eta Otamendi ariko dira, eta Lapkeko Mantzizidor eta Alberdi. Jubenil mailan, Larraunetik Nazabal eta Telletxea eta Lapketik Izagirre eta Figueroa. Azkenik, nagusi mailan Galartza eta Sotil ariko dira Larraun taldetik eta Zubizarreta eta B. Garmendia Lapketik.