Trafikoan etenak eta aldaketak izango dira San Joan jaietako egunetan

San Joan jaien harira, Tolosan izango diren trafiko eten eta aldaketak egunez egun:

• Ekainak 21, larunbata. Kuadrilla eguna.
  • Trafiko mozketa
    • Rondilla kalea: 10:00etatik 22:00etara itxita egongo da ibilgailuentzat, musika eskolaren paretik Trianguloa plazara. Garajeetako sarbidea, Inpernu kaletik bideratuko da.
  • Kotxez hustu beharreko guneak
    
    • Rondilla kalea, 07:00etarako: kalea ibilgailuentzat ixteaz gain, kotxez hustu beharko da Emakumeen plaza paretik Trianguloa plazara, baita azken honetako zamalanen gunea ere.
    • San Frantzisko pasealekua, elizatik Gernikako Arbola lorategietara, 06:00etarako: Goizean, Euskal Herria plazako azokako postuak San Frantzisko pasealekuan kokatuko dira. Postuak kentzen diren unetik aurrera, berriro ere aparkatu ahal izango da bertan.
    • Barrena kalea: ezingo da aparkatu egun osoan zehar.
  • Autobus geralekuak
    • Egun osoan zehar Rondilla kaleko eta San Frantzisko eliza pareko autobus geltokiak bertan behera geratuko dira, baita Hiribusaren kasuaren ere. Santa Klarako geltokia erabili beharko da horien ordez. 22:00etatik aurrera berriro ere ohiko kokalekuetara itzuliko dira.

• Ekainak 22, igandea
  • Aparkalekua
    • Rondilla kalean goizean goizetik aparkatu ahal izango da.
  • Kotxez hustu beharreko guneak
    • Trianguloa plazako zamalanen eremua: estropadak direla eta, traineruak eta bestelako materialak deskargatzeko erreserbatuko da.
    • Barrena kalea: ezingo da aparkatu egun osoan zehar.

• Ekainak 23, astelehena. San Joan bezpera.
  • Trafikoan etena
    • Naparzubia: San Joan su txikia eta San Joan sua egin bitartean itxita egongo da. Hori dela eta, Alde Zaharreko garajeetarako sartu-irtenak Gorriti plazatik egin beharko dira, urtero bezala.
  • Kotxez hustu beharreko guneak
    • Zumarditxikia, 07:00etarako: Hurrengo eguneko su artifizialak prestatzen ibiliko dira goizetik, horregatik eremua libre utzi beharko da bezperan. Ekainaren 25ean, garbiketa lanak egin bezain pronto zabalduko da.
    • Barrena kalea: ezingo da aparkatu egun osoan zehar.

• Ekainak 24, asteartea. San Joan eguna.
  • Trafiko mozketa (08:00-00:00)
    • Rondilla kalea itxita egongo da ibilgailuentzat, musika eskolaren paretik Trianguloa plazara arte.
    • Goiz osoan zehar, Alde Zaharreko trafikoa moztuko da.
    • Arratsaldean, eten puntualak izango dira, eskopetari konpainiak eta udalbatza pasa ahala: 17:00etatik 18:00etara, Larramendi kalean (Izaskungo aldapatik joatea gomendatu du udalak); 18:45ean eta 20:00etan, Santa Klara kalean. Hortaz, eremu horietatik ordu horietan ibilgailuarekin ez igarotzea gomendatu dute.
    • 22:45 eta 23:45 artean, gutxi gorabehera, Santa Klara kaleko trafikoa guztiz itxiko da su artifizialengatik. Suhiltzaileek eremua garbitutakoan zabalduko dute berriro.
  • Kotxez hustu beharreko guneak
    • Rondilla kalea, 06:00etarako: Kalea ibilgailuentzat ixteaz gain, kotxez hustu beharko da Emakumeen plaza paretik Trianguloa plazara arte, azken honetako zamalanen eremua eta aparkalekuak barne.
    • Barrena kalea: ezingo da aparkatu egun osoan zehar.
  • Autobus geralekuak
    • Egun osoz, Rondilla kaleko eta San Frantzisko pasealekuko eliza pareko autobus geltokiak bertan behera geratuko dira. Erabiltzaileek Santa Klarako geltokia erabili beharko dute.