Aurtengoan Ugaitz 3x3 San Joan Saskibaloi Txapelketa izena jarri diote, klubeko jokalaria eta orain gutxi zendu den gaztearen oroimenez. Hain justu, omenaldia egin zitzaion, eta TAKEkoek bere senideei kamiseta bat oparitu zieten Ugaitz izenarekin.
Helduen edota kuadrillen mailan, gizonezkoetan San Juan Magan eta emakumezkoetan Jatxonis izan ziren irabazleak. Infantil mailan, mutiletan Zakil O'Neal eta nesketan Tipulinak izan ziren txapeldunak. Alebinetan mutil eta neskek batera jokatu zuten, eta Lasko Team izan zen irabazlea.