Eduardo Mocoroa Musika Eskolako ikasleek ikasturte amaierako kontzertuak eskainiko dituzte, beste urte batez, Zerkausian. Emanaldiak 19:00etan izango dira, gaurtik ostegunera.
«Ikasleek eta irakasleek ikasturtean zehar egindako lana, ahalegina eta grina islatzen dituen programazio zainduaz gozatu ahal izango dute ikusleek. Bakarlarietatik hasi eta ganbera taldeetaraino, baita talde zabalagoetatik ere, kontzertuek musika tresna eta musika estilo ugari bilduko dituzte, eta, horri esker, ikusleek ikusi ahal izango dute sortzen ari den talentua eta eskolaren hezkuntza-eskaintzaren aberastasuna», azaldu dute musika eskolako ordezkariek.