Berazubi zelaia gaztetxoen futbolaren plaza bihurtuko da beste behin. Bihar, ekainak 14, egun guztian zehar X. Urtzi Gurrutxagaren Oroimenezkoa izango da jokoan, eta bertan mutilen alebin mailako hamabi talde ariko dira lehian. Reala, Billabona, Ordizia, Beasain, Lazkao, Intxurre, Zarautz, Añorga, Aizkorri Segura eta antolatzailea den Tolosa CF-ko hiru talde: Tolosa CF, Urdiña Txiki eta Tolosana.
Guztira hiru multzo egingo dira, bakoitza lau talderekin, eta 10:00etatik hasita jokatuko dira multzo bakoitzeko taldeen arteko partidak. Arratsaldean kanporaketak eta finalak jokatuko dira.