Zenbait tasaren ordainketarako borondatezko epea zabalik da Tolosan, hala nola, hondakin bilketako tasarena, ibi iraunkor edo pasabideena, Belena patioko bizikleta aparkalekuarena (lehen seihilekoa) eta autotaxiarena.
Borondatezko epea uztailaren 7ko 13:00ak bitartekoa izango da. Agiri horiek helbideratuta dituztenei egun horretan egingo zaie kobrantza. Helbideratu gabe dituztenek, ekainaren 20ra bitarteko epea izango dute horretarako. Azken hauei, ordainagiriak ekainean bidaliko zaizkie, zergadunak adierazitako zerga helbideetara. Ekainaren 13rako jaso ez dutenek, udalean eskatu beharko dute.
Ordainketa hiru eratara egin daiteke: online, Jaurlaritzaren Nire Ordainketa atalean; entitate kolaboratzaileen bidez –banku, aurrezki kutxa eta kreditu kooperatibak–, ordainagiria aurkeztuta; edo udaletxean, txartelarekin.