Oriako Txirrindulari Eskolak atzo hartu zuen erabakia aurtengo Abraham Olano martxa zikloturista bertan behera uzteko. Egun hori jarrita zuten epe moduan 100 parte hartzaileren langa pasatzeko, eta ez da horrela izan. 58 txirrindularik eman dute izena, eta antolatzaileek arriskua ikusten zuten probarekin dirua galtzeko. Hain justu, eskolaren jarduerarako diru iturri moduan antolatzen dute martxa zikloturista, baina aurtengoan parte hartzaileen kopurua asko jaitsi da. Hori horrela, aurten ez egiteko erabakia hartu dute.
Igande honetarako, hilaren 15a, aurreikusita zegoen, baina Oriako Txirrindulari Eskolak erabaki du bertan behera uztea, ez zelako ari nahi bezainbeste parte hartzaile izena ematen.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!