Tolosako Udalak bihar abiatuko ditu Berazubi auzoko haur parkearen eta Kondeaneko aldapako 36. zenbakiaren artean dauden eskailerak berritzeko lanak. Irisgarritasuna hobetzea eta oinezkoen segurtasuna handitzea izango dira lanaren helburuak. Horretarako, zorua eta heldulekua berrituko dituzte, eta, euria egiten duen garaietarako, uraren kanalizazioa hobetzeko beste lan batzuk ere egingo dituzte.
Lanen iraupena hiru aste ingurukoa izango da gutxi gorabehera. Bitarte horretan, eskailerak ezingo dira erabili, eta Martin Jose Iraola kaletik –Paper Eskolaren alboko aldapatik– egin beharko da joan-etorria.