Tolosako Gure Txokoa elkarteak antolatuta, Trianguloa plazan VII. Gure Ardo Txuri Txokoa egin dute gaur.
Nahi adina aldiz ardo ezberdinak dastatzeko aukera izan dute plazara agertu direnak. Zazpigarren aldiz antolatu du Gure Txokoa elkarteak ardo zuria ezagutarazteko azoka. Galiziako, Gaztelako, Kataluniako, Errioxako, Nafarroako eta Gipuzkoako bertako ardoak izan dira. 13 upategi eta 15 ardo. Kopa 5 euroren truke erosi eta nahi beste ardo probatu ahal izan dute bertaratutakoek.
Fronton, Xare eta 19-90 tabernetako mostradoreak jarri dituzte eta pintxoak euro baten truke egon dira salgai.