Tolosako Kultura Sailak zinemazaleen iritziak biltzeko galdetegi bat sortu du, datorren ikasturteko Leidor aretoko programazioa lantzerako garaian, ahal den neurrian, erabiltzaileen proposamenak kontuan izateko. Saioen ordutegiari, Zineforumari, dokumentalen balizko eskaintzari eta bonuen egokitasunari buruzko galderak biltzen ditu.
Ekainaren 19ra arte, iritzia emateko aukera izango dute herritarrek, eta bi modu dituzte horretarako: online, udalaren webguneko galdetegia beteta edo presentzialki, Leidorren bertan, saioak daudenean, sarreran jarri den kutxatxoan utziz.