Udalak pasa den azaroan iragarri zuen belaunaldi arteko etxebizitza bat egiteko asmoa. Proiektua gorpuzteko saio irekiak egin dira azken hilabeteetan eta baita proposamenak jaso ere. Bada, guztia aztertu eta gero, prozesuaren ondorioak elkarbanatzeko informazio saio irekia egingo dute datorren asteartean, hilak 10, 18:30ean, udaletxeko batzar aretoan. Horrekin batera, proiektuaren hezurduraren oinarrien berri emango dute eta hemendik aurrera jarraituko dituzten urratsak zehaztuko dituzte.
Udalak zehaztu du, egun etenda daudela lanak proiektuaren idazketarako kontratuaren esleipena auzitara eraman baitzuen iaz lehiaketa publikora aurkeztu zen enpresetako batek. EAEko Kontratuen inguruko Errekurtsoen Administrazio Organoak (KEAO) ebazpena eman arteko tartea baliatu du udalak proiektuaren hezurdurarekin aurreratzeko, eta herritarren ekarpenak jasotzeko.