Larunbatean jokatu zen Mutrikun Gipuzkoako Ligaren laugarren eta azken jardunaldia. Bertan kadete neskek estropada irabaztea lortu zuten, eta horrek Zumaiarekin zuten berdintasuna haustea eta ondorioz, liga lortzea ekarri zuen. Igandeko Gipuzkoako Txapelketan, TAKeko arraunlari gazteenak lehen postuan sailkatu ziren; bigarren eta hirugarren Hibaika eta San Juan izan ziren.
Senior neskek ez zuten erraza izan ligan bigarren izatea. Mutrikuko estropada irabazi behar izan zuten postu hori lortzeko. Zumaia Ak ziurtatua zuen lehen postua, eta Tolosaldeak estropada irabazi ondoren bigarren postua lortu zuen ligan. Igandean, Gipuzkoako Txapelketan, Zumaiaren atzetik bigarren izan zen.
Argazkiak: Iban Ormazabal