Jonan Fernandez (Tolosa, 1962) Eusko Jaurlaritzako Bizikidetzarako eta Giza Eskubideetarako idazkari ohia, Gipuzkoako Batzar Nagusietako EAJren aholkulari izendatu dute gaur goizean. Maria Eugenia Abalaga Gipuzkoako EAJko presidente eta talde jeltzalearen bozeramaileak gaur bertan eman dio jakinarazpenaren berri Batzar Mahaiari.
Fernandezek hainbat ardura izan zituen Eusko Jaurlaritzan, Iñigo Urkullu lehendakari zela. Bere garaian, Elkarri elkarrizketaren aldeko gizarte mugimenduko buru eta Lurraldea koordinakundeko arduraduna izan zen. 80ko hamarkadan hasi zuen bere ibilbide politikoa, Tolosako Udaleko HBko zinegotzi gisa. Egun, EAJko militantea da.