Auto batek bi txirrindulari harrapatu ditu arratsaldean, Tolosako Olarrain auzoan; txirrindularietako bat ospitalera eraman behar izan dute zauri arinekin.
Tolosako Olarrain auzoan auto batek bi txirrindulari harrapatu ditu, arratsaldean, 18:15 inguruan. Txirrindulari horietako bat adingabea zen, eta ez du zauririk izan, baina berarekin zihoan heldua anbulantzian artatu eta ospitalera eraman behar izan dute zauri arinekin.
Lekukoek adierazi dutenez, autoak atzetik jo ditu txirrindulariak, baina ez zeraman abiadura handirik.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?