Boliviako Potosi eskualdeko 30 emakumek josten ikasi eta ofizio bat ikasi dezaten elkartasun proiektua laguntzen ari da Tolosako Herrikide ikastetxea. Emakume horiek ahaldundu, alfabetatu eta euren familien sostengu izan daitezen, 7.300 euroko aurrekontua duen proiektua lagundu dute Tolosatik. Horretarako, bi herrialdeen artean dagoen distantzia egin nahi izan dute korrika, ikasle, irakasle, guraso eta herritarrek.
Aurreko bi asteetan ikastetxeko ikasleekin lanketa egin dute eta gaur herrira zabaldu dute ekimena. Herrikideko ordezkariek aipatu dutenez, kilometroak gutxienekoa izan dira gaurkoan, lehiaren gainetik, elkartasuna adierazi eta hezkuntza komunitate osoak goiz-pasa polit bat igarotzea izan baita helburua.