Tolosako Kabila elkarteak banatu du lehenengo Antxon Maderas Saria. Inauterietako Asteartita egunean, zezen plazan egin zen pattar zezeneko errekortari onena saritzeko lehiaketa antolatu zuten, aurten lehen aldiz, «tonu barregarri, etxeko eta ez-ofizial batean». Bada, herritar bat izan da garailea: Iñigo Goikoetxea. Pasa den astean egin zuten sari banaketa ekitaldian, irabazlearen oroigarriaz gain, Kabila elkarteko txapela eta 200 euro jaso zituen Goikoetxeak. Inaxio Arin eta Enaitz Tardio errekortari gazteak ere aitortu zituzten ekitaldi berean; hiruna ardo botila jaso zituen bakoitzak.
Pasa den astean, I. Antxon Maderas Saria lehiaketaren banaketa ekitaldia egin zuten Kabila elkartean; inauterietako pattar zezenean errekortari onena izendatu zuten Iñigo Goikoetxea tolosarrak 200 euroko ordainsaria jaso zuen.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!