Infantil eta promesa mailako ontziek parte hartu zuten Oria ibaian egindako estropadan. Infantil nesketan Tolosaldea B laugarren izan zen, eta Tolosaldea A lehiaketatik kanpo geratu zen ziaboga gaizki hartu ondoren. Infantil mutiletan Tolosaldeak ontzi mistoaren parte hartu zuen, eta hirugarren izan zen. Promesa edo kadete mailan, nesketan, Tolosaldea A irabazlea izan zen, Tolosaldea B bosgarren eta Tolosaldea C zazpigarren. Mutiletan, Tolosaldeak misto ontzia atera zuen, eta hamargarren izan zen.
Larunbatean, ligaren bederatzigarren jardunaldia izan zen jokoan, Urdazurin. Infantiletan, nesken Tolosaldea A bigarren izan zen eta Tolosaldea B zortzigarren, eta mutiletan Tolosaldea ontzi mistoa laugarrena izan zen. Promesen mailan, nesketan Tolosaldea A bigarren izan zen, Tolosaldea B seigarren eta Tolosaldea C zazpigarren. Jubeniletan, nesken ontzia hirugarren izan zen eta mutilena seigarren.
Hori horrela, ligaren sailkapen orokorrean, infantil nesketan Tolosaldea A laugarren postuan dago eta Tolosaldea B zazpigarren, eta mutiletan Tolosaldea laugarren postuan dago. Promesa nesketan, Tolosaldea A lehen postuan dago, Tolosaldea B laugarren eta Tolosaldea C zortzigarren. Jubenil nesketan bigarren postuan dago Tolosaldea eta mutiletan laugarrenean.
Argazkiak: Iban Ormazabal