Larunbateko jardunaldia, espero bezala asfaltozko zoru bustian lehiatu zen. Baina iganderako euri aurreikuspenak atzeratu egin ziren, beraz hotzez baina zoru lehorrean egin zen jardunaldia.
Irristakatik azkenean zortzi patinatzailek hartu zuten parte euren kategorietan. Infantil mailan, Beñat Iñurrita, Markel Arana eta Ekhi Gibelalde; jubenil mailan, Julen Susperregi; senior mailan, Ximon Villalobos eta Julen Urkizar; eta master mailan Juanan Alvarez eta Rakel Estibariz.
Beste urte batzuekin alderatuta horren beste patinatzaile izan ez bazituzten ere, domina sorta handia ekarri zuten etxera. Guztira 22 domina, horietatik urrezko bat, zilarrezko 15 eta brontzezko 6.
Asteburua oparoa izan dela uste dute Irristaka taldetik, «batez ere gaztetxoenen maila ikusita». Horiek Espainiako txapelketak eta Trois Pistes nazioarteko txapelketa izango dituzte hurrengo erronka moduan. Seniorrak aldiz, asteburu honetan bertan izango dira liga nazionaleko bigarren jardunaldian parte hartzen Gijonen.
