Gipuzkoako Ur Kontsortzioa Olarraingo ur-biltegia kentzeko lanak egiten hasi da. Gaur egun, Olarrain auzoa eta Aldaba Txikira doan GI-2436 errepidearen ondoan dauden etxebizitzak eta industriak Olarraingo ur gordinaren biltegitik hornitzen dira. Egun dauden arazoak direla eta, obrek ahalbidetuko dute hornidura udalerritik datorren saretik egitea.
Horretarako, dagoen hornidura berrituko dute. Obrak izaera lineala du, eta zangak egitea, hodiak eta putzuak instalatzea eta erregistro-kutxetak egitea hartzen ditu barne. Eragindako eremuetako batean 100 mm-ko diametroko hodi bat jarriko da, eta azken tartean, berriz, polietilenozkoa, 75 mm-koa.
Ibilgailuen zirkulazioan eragingo duten jarduketak aldez aurretik jakinarazi eta adostuko dira Gipuzkoako Foru Aldundiarekin, zuzendaritza fakultatiboarekin, teknikariekin eta udaltzaingoarekin.