Asteartitako ohiturari eutsiz, txarangen bilkura egin dute eguerdian Plaza Berrian. San Esteban, Ortzadar, Sukalde eta Txapel Haundi txarangetako kideek bete dute plaza. Elkarrekin hainbat pieza jo dituzte bertan. Musikariek ozen jo dituzte piezak, eta herritarrek ere dena eman dute bertan. Izan ere, herritar ugari ere animatu dira horiek ikustera, eta txarangen inguruan jarrita, dantzan eta kantuan aritu dira.
Goizean hodeiek zerua estalirik izan dute eta tarteka euri pixka bat egitea aurreikusten bazuten ere, giro ederra izan da plazan. Honela, emanaldiaren ostean, kalejiran atera dira.
