Urtero legez ehunka haur atera dira kalera danborrak jotzera, Zaldunita Bezpera egunean. Aiz-Orratz elkarteak antolatu du aurten ere eta, guztira, 500 haur inguru aritu dira danborrak astintzen.
Iker Galartza elkarteko kideak adierazi du iaz hasi zirela kantinera rola erretiratzen eta, aurten, elkarte bakoitzak aukera izan du bere ordezkaria nola atera erabakitzeko. Trantsizio horretan, bi ordezkari aurkezteko aukera zabaldu dute aurten: «Aiz-Orratz elkarteak kantineraz jantzitako ordezkari bat izango du eta, beste bat, elkarteko arroparekin jantzita. Horregatik, aurten, ordezkari asko bikoiztu egin dira».
