Udal musika eskolako ikasle bandak ohiko kalejira egin du Zaldunita bezperan. Erretiroa hartzear dagoen Migel Angel Morenok zuzenduko du azkeneko aldiz banda.
Tolosako Eduardo Mokoroa udal musika eskolako ikasleen bandak urteroko ohitura bete du eta kalez kale ibili da gaur inauterietako doinuak joz. Musika eskola bertatik atera eta Alde Zaharreko kaleak zeharkatu dituzte adin guztietako musikariek.
Gaurkoan ere Migel Angel Morenok zuzendu du banda, baina azkeneko aldia izan du, aurki musika eskolako irakasle gisa erretiroa hartuko baitu. Orain arteko zuzendaria eskertuta eta hunkituta agertu da ikasle bandako kideen aurrean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
