Ertzaintzaren arabera, joan den astelehen eguerdian Tolosako San Frantzisko kalean atxilotuetako bat biktimarengana hurbildu eta harekin hizketan hasi bitartean, bigarren inplikatuak bizkarretik eta bularretik heldu eta lepoan zeraman urrezko katea kendu ondoren, bi lapurrek ihes egin zuten.
Lekukoen testigantzei jarraiki, ertzainek Euskal Herria plazan topatu eta atxilotu zituzten susmagarriak. Horietako bati agintaritzaren agenteen aurkako ustezko delitua ere leporatu diote, antza, agenteei oldarkortasunez aurre egin ziela-eta identifikatzen eta atxilotzen zuten bitartean. Bi atxilotuak atzo eraman zituzten Tolosako guardiako epaitegira.