Urtero bezala, Inauterietako Pregoi Kontzertuaren aurreko igandean, Tolosako Udal Txistulari Bandak eta Udal Musika Bandak kontzertua egingo dute Tolosako Iurreamendi egoitzan. Igande honetan izango da, otsailak 16, 11:30ean hasita. Aurten, gainera, beste urteetan ez bezala, egoitzako kaperan joko dute.
Txistulariek doinu herrikoiak eta inauterietako hiru abestirekin osatutako popurri bat joko dute. Bandak, berriz, Pregoi Kontzertuan entzun ohi diren kantuetako batzuk eta tolosako txaranga eta elkarteen abestiak uztartuko ditu. «Inauteriak ate joka ditugunez, hainbeste maite ditugun herriko festetako doinuak joko ditugu, bertako egoiliarrek, hauen senide edota zaintzaileek, eta egoitzako langileek, inauterietako musikaz goza dezaten», adierazi dute bandako kideek.
Kontzertu honen ondoren, inauterien txanda helduko da, eta urtero bezala, aipatutako Pregoi Kontzertuan, Helduen Danborradan eta Dianan parte hartuko du bandak.
Kontzertua iragartzeko kartela:
