«Faxista horiek propaganda egiten ari zirela, militante sozialista batek aurre egin zien. Hura gerturatzean, faxistek piper gaseko espraia begietara bota eta alde egin zuten militante sozialista zaurituz», zehaztu du Tolosaldeko Kontseilu Sozialistak. Egoeraren aurrean, faxismoari aurre egiteko konpromisoa adierazi du taldeak eta bide horretan «faxismoari bideak ixteko langile klasearen batasunaren eta antolakuntzaren beharra» nabarmendu du.
Esan dutenez, faxistak kaleetan ipintzen ari ziren pegatinek euskal «odolaren» aldeko eta pertsona migratzaileen kontrako mezuak zituzten, euskara hutsean. Tolosaldeko Kontseilu Sozialistak ematen ari den faxismoaren gorakadaz eta Europan eta Euskal Herrian agertzen ari diren talde berriez ohartarazi du. «Argi utzi nahi dugu gure kaleetan ez diegula lekurik utziko. Aurrean izango gaituzte. Faxismoari bideak ixteko, langile-klasearen batasuna eta antolakuntza behar da».
View this post on Instagram