Hainbat autoren arten istripua izan da N-1 errepideko 438. kilometroan, Tolosa parean, Irungo noranzkoan. 08:00ak aldera izan da ezbeharra, eta lehen uneetan itxita egon dira bi erreiak. Dagoeneko zabaldu dute autobideko errei bat, baina azken eguneraketen arabera, 9 kilometrorainoko auto ilarak sortu dira.
Zehazki hiru autok izan dute istripua, bi pertsona zauritu dira eta Donostiako erietxera eraman dituzte.
[Eguneraketa - 10:04]
Eusko Jaurlaritzako Trafiko sailaren arabera amaitu da istripua eta zabaldu dute erreia. Dena dela, oraindik, auto ilarak mantentzen dira.