Tolosako Hiribuseko langileek bilera ireki bat egingo dute ostegunean, hilak 6, Tolosako kultur etxeko areto nagusian, 18:00etatik aurrera. Langileek esan duten bertan Hiribusek eskaintzen duen «zerbitzuaren kaltetzearen» inguruko azalpenak emango dituztela, izan ere, pasa den irailean Cuadra Bus enpresak Hiribuseko langile bat kaleratu zuen eta beste bi langileak bajan daude «gehiegizko lan kargaren ondorioz». Horrek zerbitzuan eragina izan du eta herritarrei gaiari buruzko azalpenak eman nahi dizkiete. Cuadra Bus enpresak kudeatzen du Hiribuseko zerbitzua 2021. urtetik, urte horretan bost urtetarako esleipena sinatu baitzuten.