Festetako azken eguna dute gaurkoa San Blas auzoan, eta ohi moduan, auzo eta elkarteko hildakoen aldeko mezarekin abiatu dute eguna. Herritar ugari gerturatu dira goizean auzora, eta batzuk mokadua eta tragoa hartzen ari ziren bitartean, beste batzuk punteria neurtu dute. Hala, gazte eta heldu ugari animatu dira toka txapelketara.
Arratsaldean ere izango da zertaz gozatu, eta 18:45etatik aurrera, Elustondo anai-arrebek eskainiko duten erromeria saioarekin agurtuko dituzte aurtengo festak.
