Bihar San Blas eguna izango da, eta egun horren bueltan, ohiko moduan, San Blas jaiak ari dira ospatzen auzoan. Atzo goizean jaurti zuten suziria eta auzotarrek arratsaldean izan zuten zertaz gozatu. Txistulariek abiatu dute bigarren eguna eta, goizean, Eneko Saralegi eta Txomin Amundarain aizkolarien erakustaldia izan da, Aitor Mendiluze eta Iker Zubeldia bertsolariek girotuta.
Festen bereizgarria opilak izan ohi dira, eta horiek ere erosi ahal izan dira, baita eztarriko gaitzetatik babesten laguntzen omen duten lokarriak ere. Horrez gain, gerturatu direnek mokadu edo trago bat hartzeko aukera ere izan dute.
Arratsaldean ere izango da zer ikusi San Blas auzoan. Bertsolariek bigarren saioa eskainiko dute 18:00tatik aurrera, eta ondoren, Elustonto anai-arrebek hartuko dute oholtza. Bihar ospatuko dute San Blas eguna, aurtengo festak agurtuz. Hona hemen biharko egitaraua:
- 11:00. Meza, auzo eta elkarteko hildakoen alde.
- 12:00. Toka Txapelketa.
- 18:45. Trikitixa, Elustondo anai-arreben eskutik.