Ttorreko errekak gainezka egin du San Esteban auzoan

Ataria 2025ko urt. 30a, 16:40

Tolosako San Esteban auzoan urak gainezka egin du, aparkalekuak eta errepideak hartuz. Lokal batzuetara ere sartu da. Goizetik ari du euria eta ondorioz hainbat luizi ere izaten ari dira, Bidania-Goiatzera joateko errepidean esaterako. 

Goizetik ari duen euriak hainbat arazo sortu ditu eskualdean. Tolosako San Esteban auzoan Ttorreko errekak gainezka egin du eta inguruko bizilagunek azaldu dutenez, azken urteetan ohikoa izaten ari da, batez ere, Abiadura Handiko Trenaren lanen ondoren; «AHT-ren lanek hainbat iturri itxi zituzten, eta urak bere bidea bilatzen du. Bestetik, lan horien ondorioz, harriak mugitu egin dira eta errekan amaitu dute. Nabarmena izan da lan horien eragina errekan».

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!