ETB-ko SOS Kantak Arriskuan telebista saioan galzorian dauden euskal kantuak berreskuratu eta grabatzen dituzte. Bada, kasu honetan, Tolosako inauterietako abesti baten atzetik dabiltzala azaldu dute: Plaza zaharreko dama gazteak. Txistulariek alboradan jotzen dutela aipatu dute. Aurkezleak Tolosara etorriko dira, eta kantua ikertzeaz gain, ahots bila ere ariko dira.
Horretarako, kantatzeko gogoz dauden tolosarrak animatu dituzte. Otsailaren 12an egingo dute aurkezpena eta entsegua Berdura plazan, 15:45etik 17:45era. Otsailaren 13an, berriz, emanaldia izango da 18:45ean, Plaza Zaharrean.
Informazio gehiago nahi duenak 691 61 20 86 telefono zenbakira deitu dezake.
Informazio gehiago nahi duenak 691 61 20 86 telefono zenbakira deitu dezake.