Udalak antolatutako bi hitzordutan aldaketak izango dira. Bizikidetza Sustatzen zikloko azken hitzordua biharko zegoen aurreikusia. Hain justu, Nork hil zuen Begoña Urroz? hitzaldia izango zen, Ainhoa Oiartzabal eta Martxelo Otamendi kazetarien eskutik. Bada, otsailaren 5ean izango da azkenean, udaletxeko pleno aretoan, 18:30ean.
Bestalde, martxoaren 5erako Sol Band talde palestinarraren kontzertua iragarrita zegoen. Bertan behera utzi behar izan da, taldekideek bisatuak lortzeko izan dituzten traben ondorioz Euskal Herrian zehar egitekoak ziren bira bertan behera utzi behar izan baitute. Ziur aski udazkenean jarriko da data berria; dena dela, aurrerago jakinaraziko da.
Kontzerturako sarrera erosi zutenei ordaindutakoaren itzulpena egingo zaie. Eszena bonuan sartuta zegoen ikuskizuna izanik, emanaldi horren truke zine saio baterako bi gonbidapen jaso ahal izango dituzte datorren astetik aurrera. Bonua aurkeztu beharko dute leihatilan.