Gipuzkoako Baso Elkarteak ere postua jarriko du, bazkideei eskaintzen dizkien zerbitzuak aletzeko eta baso jabe batzuen esperientziak azaltzeko asmoz. Zuhaitz landare mota ezberdinak ere izango dituzte ikusgai.
Bestalde, Tolosako Udalak urteko azoka berezien daten berri eman du. Maiatzean bi azoka berezi egingo direla aurreratu du; Lore eta Landare Azoka eta Bertako Haragien Azoka. Ekainean Ardo Txuri Txokoa egingo dute, irailean Garagardo Festa, urrian Mikologika eta Goxua, azaroan Esneki, Frisoi Lehiaketa eta Babarrunaren Festa, eta abenduan Gabonetako Azoka egingo dute.