Uztailaren amaieran Tolosako Udaleko Gizarte Zerbitzuen bulegoak Aranburu Jauregira lekualdatu ziren, espazioa berregokitzeko lanak egin ahal izateko. Bada, obrak amaituta, jatorrizko espaziora, hau da, udaletxera, itzuliko dira.
Bulegoetako material guztia leku batetik bestera mugitu ahal izateko, ordea, datorren asteko ostegunetik hasita ez da zerbitzurik emango, harik eta bulego berriak prest izan arte. Urtarrilaren 28tik aurrera ohiko moduan emango da zerbitzua Gizarte Zerbitzuetako ohiko gunean.
Herritarrei eskaintzen zaien arreta eta bertako langileen lan espazio, baliabide eta azpiegiturak hobetzea izan da lanen helburua. Espazioa behar berrietara egokitu da, lan taldea handitu egin baita. Bilera gela berreskuratu ez ezik, itxarongela eta komunak ere berritu dira, irisgarritasuna bermatzeko neurri guztiekin.