Euskadiko Kros Txapelketan emaitza bikainak lortu dituzte Tolosa CF-ko atletek, eta horietatik hainbatek Espainiako Txapelketan lehiatzeko txartela lortu dute. 16 urtez azpikoan, neskak txapeldunak izan ziren taldeka, eta banaka ondorengo postuak lortu zituzten: 5. Aitana Aierbe, 6. Maria Aramendi, 12. Maialen Zabala eta 27. Araia Artola. Maila horretan, Xabat Urkiola 4. izan zen eta Martin Arsuaga 5. postuan iritsi zen.
18 urtez azpiko mailan, Ekhi Civico txapelduna izan zen, Jon Urkizar 5. eta Alex Fernandez 15. postuan. 20 urtez azpikoan, Idoia Arrospide txapelduna izan zen eta Unax Armendarizek 5. postua lortu zuen. Absolutu mailan Ander Ortiz 6. postuan iritsi zen (Euskadiko 5.a izanik) eta Naroa Rojo 22.a izan zen.
Argazkiak: Tolosa CF