Tolosako Biodibertsitate Guneak prest du 2025. urteko lehen hiruhileko programazioa. Dibulgazioaren eta formazioaren bidez, Tolosaldeko natura eta fauna ezagutzera emateko zortzi jarduera eta irteera antolatu dituzte. Honakoa da egitaraua:
- Urtarrilak 15, 18:00. Tolosaldean harrapatutako fauna basatiaren azterketa (2023-24 emaitzak), gaztelaniaz, Antxon Bandres Bidaiarien Txokoan.
- Urtarrilak 26 : Ibiurko urtegira irteera. Deialdiaren xehetasunak egun batzuk lehenago jakinaraziko dira, Biodibertsitate Guneko kanaletatik.
- Otsailak 5, 18:00. Ezagutu Tolosaldeko zuhaitz eta zuhaixka ohikoenak II saioa, gaztelaniaz, Antxon Bandres Bidaiarien Txokoan.
- Otsailak 9 : Arteotako lepora irteera. Deialdiaren xehetasunak egun batzuk lehenago jakinaraziko dira, Biodibertsitate Guneko kanaletatik.
- Otsailak 19, 18:00. Hegaztien ugalketari buruzko jarduera, gaztelaniaz, Antxon Bandres Bidaiarien Txokoan.
- Martxoak 12, 18:00. Gipuzkoako Orkideak I saioa, euskaraz, Antxon Bandres Bidaiarien Txokoan.
- Martxoak 16:
Gaztelu-Uli-Gaztelu irteera. Deialdiaren xehetasunak egun batzuk lehenago jakinaraziko dira, Biodibertsitate Guneko kanaletatik.
Martxoak 26, 18:00. Gipuzkoako Orkideak II saioa, euskaraz, Antxon Bandres Bidaiarien Txokoan.
2024ko memoria ere osatu du Biodibertsitate Guneak, eta balantze ona egin du. Parte hartzearen datua adierazgarria da: guztira 401 parte-hartzaile erakarri zituen urte osoan zehar, jarduera bakoitzeko batez beste 18-19 pertsona bilduz. Horrez gain, 90 herritarrek izena eman dute talde egonkortuan.