Jubenil mailan Etxanizek eta Figueroak 18-9 irabazi zuten Arregiren eta Castroren aurka. Hasiera estu baten ondoren, irabazleak markagailuan aldendu ziren. Promesa mailan, Cestau eta Albeniz ziren faboritoak partida irabazteko baina Ibarluzeak eta A. Garmendiak egindako partida bikainaren ondorioz, irabaztea lortu eta finalerako sailkatu ziren, 22-9ko emaitzarekin. Lehen finalerdien jardunaldiko azken partidan ere ezustekoa egon zen. Amiano eta Sotil ziren partida irabazteko hautagaiak baina Lizeagak eta B. Garmendiak izugarrizko partida jokatu eta garaipen argia lortu zuten 22-12ko emaitzaz.