Arakil Fundazioak Eduardo Mocoroa musikari tolosarra omenduko du Euskadi Orkestrarekin batera antolatutako kontzertuan. «Euskal musika ondarearen altxor handienetako bat» omentzeko kontzertu berezia izango dela iragarri dute, Mocoroa konpositore eta musika maisuaren errepertorioa lehen aldiz moldatuko baitu Euskadiko Orkestrak.
Emanaldia urtarrilaren 31n izango da, Leidor aretoan, 19:30ean hasita. Bertan, Mocoroaren obra ezagunenetako batzuk interpretatuko dituzte, hala nola euskal musika tradizionala eta garaikidea uztartzen dituzten piezak, «gure kultura musikalaren funtsa eta aberastasuna publikoari hurbilduz».
Sarrerak dagoeneko eskuragarri daude, Kutxabanken bidez.