Lehen partidan, jubenilen mailakoan, Etxaniz eta Figueroa sartuko dira txapelketan eta ez dute partida erraza izango Arregiren eta Castroren aurka. Hauek hiru partida irabazi dituzte finalerdietara iristeko. Promesen mailakoa ere oso partida polita izatea espero da. Alde batetik, Cestau eta Albeniz ariko dira eta, beste aldetik, Ibarluzea eta A. Garmendia. Azken hauek itxura ona eman zuten final-laurdenetako partidan.
Jaialdia itxiko duen partidan, elite mailakoan, U. Amiano-Sotil bikotea ariko dira lehian Lizeagaren eta B. Garmendiaren aurka. Antolakuntzatik azaldu dutenez, hiru partida eder pilotaz gozatzeko.