Garbiñe Murillo, Reyes Peguero eta Maria Malkorraren gidaritzapean dagoen dendan, egunerokotasunean erabili ohi den lentzeriaz gain, pertsona bakoitzak dituen arazoei aurre egiteko egokiturik dauden arropak ere saltzen dituzte. «Bularreko arazoak dituztenen beharretara egokitzen saiatzen gara eta protesia edo minbizia duten pertsonentzako bularretako bereziak saltzen ditugu». Neurrietan ere A-tik G-rako kopekin lan egiten dute, pertsona bakoitzak dituen arazoei konponbide bat eman ahal izateko. «Bularretakoen kasuan pertsona bakoitzak dituen beharretara egokitutakoak saltzen ditugu, Anita Care etxekoak minbizia dutenen kasuan».
Gizonezko, emakumezko eta haurren barruko modako markei dagokionez, eskaintza zabala daukate dendan: Calvin Klein, Punto Blanco, Giulio, Chantelle, Pasionatta, Belcor, Gemma, Sportex eta Janira, besteak beste. «Gaur egun barruko arropan ezagunenak diren etxeekin lan egitea gustatzen zaigu. Primadonna bezalako markak ere saltzen ditugu, eta hauek ekitaldi berezietan erabiltzen diren jantzietara egokitzen dira, hala nola ezkontzak, bataioak edo jaunartzeak».
Garbiñe Murillok esan du dendara gerturatzen diren bezeroekin arrakasta izateko gertuko harremana sortzea dela ezinbestekoa. «Gure bezeroak behar ezberdinengatik hurbiltzen dira dendara. Gizonezkoak, esaterako, beraien emazte edo alabentzako opariak erostera etortzen dira, eta askok gurera jotzen dute beste denda batzuetan barruko arropa erosteak lotsa ematen dielako».
Tolosan kalitatezko tokiko merkataritza eskaintzeko helburuarekin, Mugar dendako kideak Parisko eta Florentziako nazioarteko lentzeria azoketara joaten dira. «Azoka horietan gaur egungo joerak aztertzeko eta ezagutzeko aukera daukagu eta horrela boladan dauden berritasunak Tolosara ekartzeko aukera izaten dugu».
- Helbidea. Nafarroa etorbidea, 16, (Tolosa)
- Ordutegia. Astelehenetik larunbatera 09:30etik 13:00etara eta 16:30etik 20:00etara
- Telefono zenbakia. 943 65 56 85
- Helbide elektronikoa. garbimurillo@gmail.com
- Webgunea. tolosandco.org
- Instagram. mugar_lenceria_tolosa