Bedaiotik hasita Gurbil Haunditik, Zarate lepora iritsiko dira. Handik, Elosuko bidea hartuz garai bateko Mikelete etxera jarraituko dute Urreagako Haitza tontorreraino. Ondoren, Araitz eta Bedaioko muga segituz, Balerdi azpiko mugarriak ikusiko dituzte. Bukatzeko, Bedaiok Amezketarekin duen muga Infernuko erreka ondotik Bedaioraino.
Ondoren, 14:00etan, babarrun bazkaria, Bedaioko Abaetxe jatetxean egingo dute. Menua: babarrunak, saiheskia, mamia eta kafea. Prezioa 40 eurokoa izango da, bazkaria eta autobusa barne.
Abenduaren 15ean, igandea, izango da irteera. 08:30ean abiatuko dira San Frantziskotik. Bazkarira bakarrik doazenentzat, autobusa San Franziskotik 13:00etan aterako da. Bazkaldu eta gero, Tolosara itzultzeko Bedaion 16:30ean izango da autobusa.
Informazio gehiago eta izena emateko hiru aukera daude: Alpinouzturre.eus web orrian, info@alpinouzturre.eus helbidera oharra bidaliz edota 747456014 telefono zenbakira deituz.