Tolosako Udalaren Bizikidetza Sustatzen zikloaren barruko bigarren ekitaldia izango da asteazkenean. Hain justu, Gesto dokumentala izango da ikusgai Leidor aretoan, 19:30ean. Xuban Intxaustik zuzendutako lana da, eta Fernando Velazquezen musika du. Gesto por la Paz mugimenduaren ibilbidea gogoratzen du. Dokumentalaren ostean solasaldia izango da, Maite Leanizbarrutiarekin Euskal Herriko Bakearen Aldeko Koordinakundeko kide ohia eta Gogoan-Por una memoria dignako kidearekin eta Xuban Intxausti dokumentalaren zuzendariarekin.
Giza Eskubideen Nazioarteko Egunaren harira, Tolosan ez ezik, Gernikan ere izango da bihar ikusgai dokumentala. Eta, baita Bartzelonan ere. Izan ere, New Yorkeko Giza Eskubideen Zinema Jaialdiko Sail Ofizialerako aukeratu dute, eta jaialdiak Bartzelonan duen egoitzan emango dute.