Mugi Tolosa egitasmoak, azken urteetan egin moduan, 2025eko egutegiak prestatu ditu, parte hartzaile eta gainerako herritarren artean banatzeko. Ibilaldi osasuntsuetan parte hartzen duten herritarrak dira egutegiaren protagonista.
Gaur goizean hasi dira banaketarekin Zerkausian, eta bihar eta etzi ere egongo dira, 10:00etatik 13:00etara. Tolosarrek bertan jaso ahal izango dute euren egutegia. Egun horien ondoren soberan geratzen direnak Udaten eta Usabal kiroldegian utziko dituzte.
31 irteera
11 urte bete ditu aurten Mugi Tolosak. Astero, irteerak eta bestelako jarduerak antolatzen dituzte ohitura osasuntsuak sustatzeko, batik bat, adinekoen artean. 2024an zehar 31 irteera egin dituzte, batez beste, 115 parte hartzailerekin. Inauterietan, esaterako, 250 lagun batu ziren.