Sutea piztu da Tolosako Ibarralde kaleko lau pisuko etxebizitza batean; hirugarren solairuan piztu da sua. Tolosako Udaltzaingoak jakinarazi du 09:40ean jaso dutela abisua eta suhiltzaile eta anbulantziarekin batera bertaratu dira etxebizitzara. Udaltzainek jakinarazi dutenez, sutea sortu den etxebizitza okupatutako etxea da.
Udaltzaingoak ATARIA-ri adierazi dio lauzpabost lagun zeudela bertan, eta liskarra izan dutela horietako bik. Gizon batek emakume bat arin zauritu du, eta Asuncion Klinikara eraman dute. Udaltzaingoak baieztatu duenez, emakumea zauritu ondoren, gizonak nahita piztu du sua.
