Kultur asteburua antolatu dute Bedaion. Larunbatean Bazkari paxara-rekin hasi behar zuten egitaraua, baina bertan behera geratu da. Hori horrela, 17:00etan izango da lehen jarduera: haurrei eta gazteei bideratutako Animaltzen tailerra.
Horren hondotik, 19:00etan hasiko da Zidernaut proiektuaren aurkezpena eta produktuen dastatzea Balerdipeko erleak ekoizleen mokaduekin. Eguna bukatzeko, berriz, 21:00etan afaria egingo dute eta, ondoren, haurrentzako zinea.
Iganderako antolatu dute azken jarduera, hain zuzen, mendi ibilaldia. 10:45ean hasiko da, betiere, horretarako eguraldi egokia egiten badu.
Larunbateko jardueretan parte hartzeko beharrezkoa da, aurretik, izena ematea batzarkideetako bati adieraziz.