Tolosako Orixe Bigarren Hezkuntzako Institutuak 50 urte bete ditu, eta urteurren berezia ospatzeko jaialdi bat antolatu dute, abenduaren 10ean, asteartea, Leidor aretoan; 18:00etan hasiko da ekitaldia.
Institututik, jaialdira bertaratzeko gonbita luzatu nahi diete 50 urte hauetan Orixeko parte izan diren guztiei: «Oroitzapenez, emozioz eta, batez ere, esker onez betetako ekitaldia izango da, eta besteak beste, bertsoak, dantza eta zozketa bat izango ditugu. Gure ibilbidea gogoratzeko eta bidaia honen funtsezko parte izan diren pertsona guztiei omenaldia egiteko aukera izango dugu. Gonbidatuak zaudete, iraganera ez ezik, etorkizunera ere begiratzen duen ospakizun honen parte izatera!».