Topic zentroak 15 urte bete ditu aurten, eta urteurren berezia ospakizunerako aitzaki izango da aurtengo Titirijai jaialdian. Hain justu, urte horietan guztietan zentroarekin erlazioa izan duten pertsonak bilduz ekitaldi bat egingo dute gaur, osteguna, 17:00etan hasita, Topic zentroan bertan.
Proiektuaren sorreran egon zirenak egongo dira, hala nola Idoia Otegi Topic zentroko zuzendari ohia, eta gaur egun ekimenaren bueltan dabiltzanak ere bertan izango dira, Juanjo Herrero eta Estitxu Zaldua egungo zuzendariak, kasu. Txotxongiloen munduarekin lotura duten pertsonak izango dira, ta baita Titirijai jaialdian parte hartu dutenak ere. Horien guzien artean Topic Txotxongiloen Nazioarteko zentroak txotxongilolaritzari egin dion ekarpenaz eztabaidatuko dute. Ikus-entzunezkoekin osatuko dute ekitaldia.