Ostiral honetan, azaroaren 29an, 07:00etatik aurrera ezingo da Rondilla kalean aparkatu, estolderiaren garbiketa lanak egin ahal izateko. Rondilla kaleko 31. zenbakitik –Kabi Alai elkartearen paretik– Trianguloa plazarainoko tartean egingo dira lanak. Goiz osoan zehar ariko dira estolderia garbitzen, eta lanek aurrera egin ahala zabalduko da aparkatzeko aukera.
Aparkalekuei eragiten ez dieten beste gune batzuetan ere ari dira garbiketan, besteak beste, Jon Andoni Irazusta pasealekuan, Usabal Industriagunean, Arramelen, Alondegi eta Lapurdi plazetan edota Lopez-Mendizabal pasealekuan.
Hain zuzen, herri osoan zehar dauden sareta eta hustubideen garbiketa sakonagoa egiteko eskaera egin dio udalak kale garbiketa zerbitzuko emakidadunari. Bestelako interbentzioak beharko lituzketen puntuak identifikatzeko mapatze-lana ere abiatu dute.